Kòntròl dirigi riba trùknan di karga

Willemstad – Riba djamars, 23 di sèptèmber 2025, entre 08.30or -11.30or di mainta, Polis di Rio Canario, huntu ku personal di Ministerio di Tráfiko, Transporte i Planifikashon Urbano (VVRP) a tene un kòntròl dirigí riba trùknan di karga ta laga santu, greis, sushi gròf i/òf otro material kai riba kaminda públiko

E kòntròl a tuma lugá pareu na 2 diferente sitio, unu na Winston Churchillweg i e otro na Weg naar Westpunt, na áltura di Wechi.

Total, a para 63 vehíkulo ku karga i a repartí 52 but, pa kore ku trùk sin tapol, i pa kore:

sin reibeweis

sin seguro bálido

sin plachi number dilanti

sin plachi number patras

sin karchi di kùr

sin impuesto pagá

2 trùk di karga a bai bou di guia di Polis pa kura di Servisio pa Obra Públiko (OW).