Bahada di e bbp (produkto interno bruto) di Sint Eustatius kompará ku 2017, koregí promé ku prijsontwikkelingen, (desaroyonan di preis) a bin prinsipalmente dor di un bahada di atministrashon públiko, enseñansa i kuido.

Kresementu na Boneiru prinsipalmente dor di industria di konstrukshon, energia i hóreka

E balor agregá di konstrukshon a krese ku 21,4 porshento. E subida den konstrukshon ta ampliamente sostené i ta den liña ku e kantidat grandi di proyekto di konstrukshon na e isla. Pa e sektor di industria energia, awa i maneho di sushi, e balor agregá a krese ku 18,3 porshento dor di un produkshon mas haltu di elektrisidat i awa mientras ku e consumo (na hulandes:  verbruik) ku a krese ménos lihé. Ademas e servisio finansiero a krese ku 11,7 porshento i ta den liña ku e desaroyo di kupo di trabou den e sektor di industria aki.

Turismo ku ta yega via avion a baha di 173 mil turista na 2023 pa 171 mil turista na 2022. E kantidat di pasahero di krusero a oumentá di 285 mil pa 392 mil na 2023. Turista di krusero ta gasta ménos na Boneiru ku turista di estadia.

Subida di e kantidat di turista kombiná ku un oumento di e poblashon na e isla ku 5,5 porshento, tambe a sòru pa un oumento di e balor agregá di hóreka (8,8 porshento). Balor agregá di e atministrashon públiko a subi ku 6,0 porshento dor di un subida di e kantidat di kupo di trabou den e sektor di industria aki. Remarkabel ta e bahada di agrikultura i di e sektor di mineral ku 34%. Na 2023 e pedido pa mineral for di eksterior tabata ménos. 

Kremp leve na Sint Eustatius ta ampliamente sostené

Tras di e kremp di 0,5 porshento na Sint Eustatius tin vários sektor di industria. E kremp prinsipalmente tabata kousá pa bahada di e balor agregá di e atministrashon públiko. Den e sektordi industria ei, e volúmen di trabou a baha ku 6,3 porshento. Enseñansa tambe a kontribuí na e kremp di e ekonomia. Un bahada di e kantidat di alumno kombiná ku uso mas haltu a sòru pa un bahada di e balor agregá den enseñansa. Ademas, e balor agregá di kuido tambe a baha, kaminda e uso a subi mas ku e produkshon. E balor agregá di hürmentu i e sektor di komersio inmóbil tambe a baha, partikularmente dor di un kremp grandi di produkshon. 

Turismo a krese di 5,6 mil turista na 2022 pa 5,8 mil na 2023. Esaki ta un kresementu di 3,6 porshento. E oumento aki entre otro a sòru pa un oumento di e balor agregá di komersio i hóreka.

Kremp na Saba partikularmente den enseñansa i serka gobièrnu

Enseñansa tabatin e aporte negativo di mas grandi na e kremp ekonómiko. Balor agregá di e sektor di industria aki a baha, pasobra tabatin ménos studiante. E atministrashon públiko na 2023 tambe a kontribuí na kremp di e bbp (produkto interno bruto). E kantidat di kupo di trabou den e sektor di industria aki a baha ku 4 porshento.

Turismo ku ta yega na Saba a krese di 4,9 mil turista na 2022 pa 5,7 mil na 2023. E nivel ainda sí ta hopi mas abou ku na 2019, ora 8,8 mil turista a bishitá e isla. Komo ku turismo a kuminsá bèk, e balor agregá den komersio i hóreka a krese.