ENTREGA DI 1350 UNIFORM NA EKIPONAN DI BASEBALL LITTLE LEAGUE

Resientemente RBC Royal Bank i Ministerio di Enseñansa, Sensia, Kultura i Deporte, a entrega un kantidat di 1350 unifòrm na ekiponan di Baseball di Liga Pariba, Liga Pabou i Liga Willemstad. Ta trata aki unifòrm pa hungadó i coahanan di 87 ekipo. Kenley Jansen, huntu ku RBC i Ministerio di Enseñansa, Sensia, Kultura i Deporte a spònser bala pa wega i pa training na tur e ekiponan di baseball.

Ministerio di Enseñansa, Sensia, Kultura i Deporte a supsidia bala pa Liga di Softball Little League esta Liga Soraida Juliana.

Curaçao Little League ta ekspresá gratitut na tur nos spònsernan pa nan sosten generoso na nos organisashon.

Ku boso yudansa, un gran kantidat di mucha por sigui práktika deporte, hunga ku orguyo i kontinuá nan desaroyo den baseball i sòftbòl.

Huntu nos ta traha un futuro mas fuerte pa Little League den desaroyo di hubentut di Kòrsou.