Un atardi di Tasting na Landbouw SDKK.

Resientemente a tuma lugá un tasting di diferente “kruiden” ku e landbouw project di SDKK a produsi huntu ku sosten di Soltuna,

sr. Soliana i su team.

E meta di e enkuentro aki tabata spesial pa e kòkinan di SDKK, pa asina nan por mira tur e diferente bèrdura i yerbá ku por keda plantá pa fasilitá kushina di prizòn.

Tambe den kuadro di resosialisashon e ta duna

E detenidonan posibilidat pa siña kon pa plantá na momentu ku nan regresá kas bèk.

Finalmente e team di kòkinan di prizòn a kushina tres diferente plato ku e diferente bèrdura ku a keda planta den kunuku di SDKK.