Aksidente di tráfiko ku morto
KUERPO POLISIAL KÒRSOU
KOMUNIKADO DI PRENSA
375/2025
7 òktober 2025
Aksidente di tráfiko ku morto
Djamars 7 di òktober 2025 alrededor di 00.12’or, Sentral di Polis a risibí informashon di un kaso di aksidente grave ku a tuma lugá riba Caracasbaaiweg, algu despues di e krusada ku Bronsweg den direkshon ost.
Na yegada di e promé unidat, el a tuma nota di un hòmber heridá drumí abou riba kaya i ku ya no tabata duna señal di bida.
For di investigashon preliminar a sali na kla ku e víktima a keda alkansá pa un vehíkulo, nèt na momemtu ku e tabata krusando kaya.
Despues di e aksidente, shofùr di e vehíkulo a kontinuá su destinashon, sin laga su entidat atras.
Personal di ambulans a presentá na e sitio, pero no por a hasi nada mas pa e hòmber ku a sufri leshonnan serio a konsekuensia di e aksidente.
Dòkter di polis ku tambe a keda notifiká, a konstatá morto.
Investigashon den e kaso ta kontinuá.
