KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Tres detenshon pa violashon di lei di arma di kandela 

 

KUERPO POLISIAL KÒRSOU 

 

KOMUNIKADO DI PRENSA

384/2025

11 òktober 2025 

Tres detenshon pa violashon di lei di arma di kandela 

Durante kontròl den Kaya Max Henriquez riba 11 di òktober 2025 alrededor di  03.55’or, unidatnan di e tim di akshon polisial, a realisá tres detenshon den  dos vehíkulo i a konfiská dos arma di kandela. 

Den un vehíkulo polis a topa e hòmber S.M.B. di 37 aña di edat ku un arma di  kandela den su vehíkulo. 

A detené e sospechoso na e sitio mes pa violashon di lei di arma di kandela i a  konfiská e arma i e outo pa mas investigashon. 

Algun ratu despues den e mesun kaya a kontrolá un otro vehíkulo i a enkontrá  un arma di kandela mas. 

Polis a hasi detenshon di e hòmber F.M. di 37 aña di edat i e dama D.A.M. di  23 aña di edat, ámbos nase na Kòrsou pa posishon ilegal di arma di kandela. Tambe a konfiská e arma di kandela i nan vehíkulo. 

A presentá e sospechosonan dilanti di un fiskal ouksiliar ku a ordená su  enkarselamentu pendiente di mas investigashon.

639114718427035"
639114718427035"