Klik aki pa sigui nos FaceBook page
https://www.facebook.com/profile.php?id=100044658333732

---

 

 

 

 

KUERPO POLISIAL KÒRSOU 

 

KOMUNIKADO DI PRENSA

387/2025

12 òktober 2025 

Violensia relashonal ku detenshon i konfiskashon 

Djasabra 11 di òktober 2025 alrededor di 15.33’or, Sentral di Polis a dirigí un  unidat polisial pa un adrès na Kaya Yobida pa un kaso di violensia relashonal. Na su yegada, un dama a deklará na polis ku su pareha a maltrat’é i menas’é ku morto. 

Esaki debí na un diskushon ku e pareha tabatin ku otro. 

Alabes e víktima a deklará ku e hòmber ta den posishon di un arma di kandela. Mesora polis a hasi detenshon di e hòmber R.T.B. di 38 aña di edat nasé na  Kòrsou. 

Alabes polis a konfiská un skopèt di airu ku e sospechoso tabatin. 

A present’é dilanti di un fiskal ouksiliar ku a ordená su enkarselamentu  pendiente di mas investigashon.