Falta di klaridat ta krea spekulashon sin base

 

 

Falta di klaridat ta krea spekulashon sin base

 

Kòrsou, 15 di òktober 2025

 

Resientemente  a tuma lugá un insidente entre minister Silvania i  e hefe di ”ontvanger” sr. Trona. E suseso aki  tabata di tal indolé ku ela   kousa hopi konsternashon den nos komunidat. Direktiva di PNP a tuma nota den prensa di un komunikado di partido MFK enkuanto kon lo bai atendé ku e asuntu aki.  E komunikado a indiká tambe ku   direktiva  di MFK ta para pa trato igual i hustu i  lo trata e asuntu aki ku hopi seriedat . Mas alew a indiká ku lo a  komuniká den kurso di  siman ku a pasa kua poseshon partido MFK lo  a tuma entorno e kaso menshoná. Sinembargo te ku awe ku ta dia 15 di òktober, komunidat no a ser informá publikamente kua poseshon a ser tuma pa partido MFK. Esei a trese kune logikamente tur klase di spekulashon i konhetura den nos komunidat. Direktiva di PNP tambe a tuma nota  kon e spekulashonnan aki a subi riba retnan sosial indikando ku PNP lo ta den deliberashon ku partido MFK pa weta ku lo por lapi e gobièrnu ainda. Direktiva di PNP kier informá na komunidat ku e informashonnan aki ta puru spekulashon. No tin na e momentunan aki  apsolutamente ningun kontakto  polítiko ku partido MFK enkuanto di lapimentu di gobièrnu. P.N.P ta un organishon demokrátiko i transparente. Si den futuro e panorama polítiko kambia i ta rekerí ku PNP mester  tuma kualke poseshon esei lo wòrdu hasí den konsulta i ku aprobashon di partido.