Situashon di Tempu 20 di Òktober 2025

Un ola tropikal situá awe tardi ost di islanan ABC ta moviendo den direkshon wèst.

Meteo ta antisipá ku e sistema lo krusa nos área durante oranan di djamars mardugá i mainta.

Pa e motibu aki Meteo ta antisipá mas aktividat di áwaseru kompañá pa welek ku bos durante próksimo oranan.

A base di kalkulashonnan di modelonan numériko, mayoria di e modelonan ta di akuerdo ku por spera mas yobida, spesífikamente durante di djamars 21 di òktober.

Durante oranan di awe mainta Meteo a registrá e siguiente kantidatnan di áwaseru:

Airopuerto Hato: 45 mm;

​Seru Mahuma: 55 mm;

​Soto: 51 mm;

Santa Maria: 28 mm;

Van Engelen: 23 mm;

​Seru Kokori: 20 mm.

E kantidatnan registrá ta mas haltu ku lokual a ser antisipá pa modelonan numériko.

Kantidat di yobida ku ta ser antisipá durante oranan di mardugá i mainta por tin implikashon pa sierto áreanan di nos isla.

Servisio Meteorológiko Kòrsou ta sigui vigilá e kondishon di tempu i si ta nesesario lo emití boletinnan spesial.