21 di ÒKTOBER 2025 Charla: “MALESA KRÓNIKO DI NIR” na Sentro di bario Souax
21 di ÒKTOBER 2025
Charla: “MALESA KRÓNIKO DI NIR”
na Sentro di bario Souax
Fundashon Pro Souax, Sentro di Bario Souax i Sentro Médiko Souax ta informá habitantenan di barionan di Souax, Gato i bisindario i tur otro interesado, ku djamars awor 21 di òktober lo tin otro interesante charla riba salú i kuido di salú. Tópiko di e luna aki ta:
“MALESA KRÓNIKO DI NIR”
Un i tur ta keda invitá pa bin tende Dr. Oliva sigui amplia riba diferente aspekto di salú relashoná ku malesa króniko di nir. Entre otro dr. Oliva lo amplia riba: kua ta e funshon di un nir i ki konsekuensia malesa króniko di nir por tin pa un persona. Tambe e dòkter lo informá kua ta e kousa i sintomanan di e malesa i ki tipo di tratamentu ta hasi uzo di dje den kaso di malesa króniko di nir. E charla ta tuma lugá na Sentro di Bario Souax di shet’or pa mitar di nuebe di anochi i entrada ta grátis. Durante e charla lo tin amplio oportunidat pa hasi pregunta.
| Charla SALU I KUIDO DI BO SALU
Tópiko : “MALESA DI KRÓNIKO DI NIR” Dia : Djamars 21 di ÒKTOBER 2025 Ora : Shet’or pa mitar di nuebe di anochi (19.00 – 20.30) Entrada : GRATIS |
