Preparacion pa Baki den Bario riba veld di Arsenal riba diasabra, 28 di october
Preparacion pa Baki den Bario riba veld di Arsenal riba diasabra, 28 di october
ORANJESTAD – E proximo Baki di Bario lo tuma luga riba diasabra, 28 di october riba Veld di S.V. Arsenal na Angochi Santa Cruz cuminsando mainta tempran.
Pa 7:00 am tin miembronan di Baki den Bario presente caba pa dirigi e fluho riba e veld.
Prome Minister mr. Mike Eman hunto cu e team di Baki den Bario anuncia e siguiente localidad pa e accion di Baki den Bario. Un esfuerso cu gobierno hunto cu diferente departamento/instancia ta haciendo pa logra brinda e comunidad e oportunidad pa deshaci di desperdicio tanto di cas como comercial.
E biaha aki, a anuncia cu Veld di Arsenal, na Santa Cruz, lo ta disponibel y prepara pa ricibi tur esnan cu lo haci uzo di e bakinan cu lo pone.
E mandatario e menciona cu ta concretisando e solucion di baki permanente den diferente area di nos isla, pero mientrastanto ta mantene e Accion di Bario, cual lo intensifica den transcurso di e lunanan nos dilanti.
