Huramentashon di Sr. Javier Silvania komo Miembro di Parlamento di Kòrsou

Djárason, 22 di òktober 2025, Sr. Javier Silvania a huramentá serka Su Ekselensia Gobernador interino di Kòrsou, sra. Michèle Russel-Capriles, pa asumí e enkargo komo Miembro di Parlamento di Kòrsou.

E akto di huramentashon a tuma lugá na Palasio di Gobernador, ku presensia di entre otro Presidente di Parlamento, Sr. Fergino Brownbill. Ku esaki, Sr. Silvania ta forma parti di Miembro di Parlamento aktual.