“Sentro di Bario Montaña dia 1 novèmber 2025 “ Nos ta bai kuminsá ku kurso di SKAK pa mucha i adulto
Sentro di Bario Montaña:
“Sentro di Bario Montaña dia 1 novèmber 2025 “ Nos ta bai kuminsá ku kurso di SKAK pa mucha i adulto
Dia 1 novèmber 2025 Direktiva di Sentro Bario Montaña ta bai kuminsá ku lès di SKAK (schaak) pa mucha di 8 aña bai ariba . Lo bai tin 3 sekshon di orario for 11or te ku 4.30 atardi riba djasabra .
Señor Gillano Jubitana ta enkargá ku tur lès.E ta un instruktor ku tin e pashon pa kurso di Skak.
Skak ta un deporte ku no solamente ta dushi pero e ta yuda bo den bo bida diario, stratégikamente e ta yuda bo pensa, analisá, konsentrá i fortalesé bo kreatividat tantu mucha i adulto .
Lo bai tin un dia di informashon djabièrnè 24 òktober 2025 pa 6 or pa 7 or na SB Montaña, riba e dia aki bo por inskribí i hasi pregunta na final di informashon.
Por inskribí tambe via mail sentrobariomontana@gmail.com òf
gillianojubitana@gmail.com òf telefòn 7671600
Nos di Sentro Bario Montaña ta kere den nos hóbennan ku deporte ta forma un mucha pa dil ku kada situashon ku presentá den su bida di tur dia , den un forma sano i ku rèspèt.
Kòrda huntu nos ta sigui traha na bienestar di nos bario di Montaña i bisindario
Ta bai kuminsá ku kurso di Hulandes i
Aritmétika –Wiskunde pa mucha
Willemstad, 22 oktober 2025
Direktiva di Sentro Bario Montaña ta kuminsá ku lès di Aritmétika –Wiskunde pa mucha di grupo 6, 7 i 8 di skol básiko.
E lès ta tuma lugá djamars i djaweps atardi i tin 3 orario entre 2 or te ku 5 or . E lès ta na enkargo di juff Jennifer Noorden di profeshon e ta dosente di skol básiko i maestra di Hulandes .
Nos lo bai kuminsá ku e lès nan aki dia 28 òktober 2025. Nos lo tin un atardi di informashon dia 24 di òktober 2025 6 or pa 7 or na SB Montana pa tur mayor ku ta interesá pa nan yu partisipá .
Mayornan, yuda nos muchanan ku tin difikultat ku e materianan importante aki ku ta Hulandes i Wiskunde pa nan por bai dilanti.
Pa inskribí i informashon por mail nos na sentrobariomontana@gmail.com òf bèl 7671600. Kantidat pa grupo ta limitá, pues inskribí na tempu.