Wardakosta tambe tabata presente na un Fred Expo 2025 eksitoso! 

 

 

 

Wardakosta tambe tabata presente na un Fred Expo 2025 eksitoso! 

 

Wardakosta di Karibe Hulandes tambe a partisipá resientemente na e Fred Expo di 2025. E evento anual kaminda kompanianan i organisashonnan di;  Kòrsou, Aruba, Boneiru, Sint Maarten, Saba i Statia ta reuní ku un meta komun: pa inspirá studiantenan ku a gradua i profeshonalnan pa bolbe bai nan pais pa asina kontribuí na desaroyo di nan komunidat i ekonomia.

 

E Fred Expo di 2025 a tuma lugá riba 18 di òktober  den e World Trade Center den sentro di siudat di Rotterdam. Porta nan a habri 11:00 di mainta te ku 6:00 or di atardi, ku mas di 1.000 bishitante ku a mustra nan interes den diferente kompania ku tabata presente durante di e evento. 

 

Wardakosta tabata presente ku un delegashon di kuater persona ku a representa e organisashon den su totalidat. 

 

Wardakosta di Karibe Hulandes ta un organisashon marítimo ku ta fungi pa mantené seguridat rondó di e awanan di Kòrsou, Aruba, Boneiru, Sint Maarten, Saba i Statia. Wardakosta su ròl den seguridat marítimo ta sumamente importante i nesesario. 

 

Durante di e Fred Expo, interes pa Wardakosta tabata grandi for di kuminsamentu te fin di dia. Hopi studiante i profeshonal a keda motivá ora nan a tende tokante e oportunidatnan di trabou den e organisashon. ” Fred Expo ta duna nos e oportunidat pa konektá ku talento hóben for di e region i pa mustra ku tin hopi posibilidat pa forma un karera profeshonal den Karibe,” segun Joëlle de Jong-Mercelina, Direktora Suplente di Wardakosta di Karibe Hulandes.