Medida temporal di tráfiko debí na ‘My Guardian Group Walk & Run’ 

 

KUERPO POLISIAL KÒRSOU 

 

KOMUNIKADO DI PRENSA

405/2025

25 òktober 2025 

Medida temporal di tráfiko debí na ‘My Guardian Group Walk & Run’ 

Relashoná ku ‘My Guardian Group Walk and Run’ ku lo tuma lugá djadumingu  26 di òktober 2025, lo tuma e siguiente medida di tráfiko temporal, pa  garantisá seguridat di e partisipantenan i pa keda duna akseso na tráfiko  motorisá mas tantu posibel. 

E parti nort di brùg Juliana (e lado di Punda pa Otrobanda) lo ta aksesibel  unikamente pa partisipantenan di e ‘Walk & Run’. 

E parti sùit di brùg Juliana (e lado di Otrobanda pa Punda) lo ta aksesibel  únikamente pa tráfiko motorisa ku ta bini for di Domi pa bai direkshon di  Punda. E tráfiko aki mester kore riba e parti kompletamente na man drechi di  e lado di Otrobanda pa Punda. 

Durante di e evento, lo no permití tráfiko motorisá ku ke move di Punda pa  Otrobanda, pa hasi uso di brùg Juliana. Ku eksepshon di vehíkulonan di  emergensia. 

Kuerpo Polisial ta konta ku e indulgensia di usuarionan di tráfiko i alabes ta  gradisí pa e komprenshon.