𝐊𝐨̀𝐫𝐬𝐨𝐮 𝐭𝐚 𝐬𝐢𝐠𝐮𝐢 𝐅𝐨𝐫𝐭𝐚𝐥𝐞𝐬𝐞́ 𝐞 𝐈𝐧𝐝𝐮𝐬𝐭𝐫𝐢𝐚 𝐝𝐢 𝐊𝐫𝐮𝐬𝐞𝐫𝐨 𝐤𝐮 𝐬𝐮 𝐩𝐚𝐫𝐭𝐢𝐬𝐢𝐩𝐚𝐬𝐡𝐨𝐧 𝐧𝐚 𝐞 𝐊𝐨𝐧𝐟𝐞𝐫𝐞𝐧𝐬𝐢𝐚 𝐝𝐢 𝐅𝐂𝐂𝐀 𝐧𝐚 𝐏𝐮𝐞𝐫𝐭𝐨 𝐑𝐢𝐜𝐨 

E siman aki, komo Ministernan di Tráfiko, Transporte i Planifikashon Urbano mi a tuma parti di e Konferensia di Florida-Caribbean Cruise Association (FCCA) na Puerto Rico, huntu ku representante nan di Curaçao Ports Authority (CPA) i tambe Curaçao Tourist Board (CTB).

E konferensia di FCCA ta un plataforma importante pa forma i fortalesé relashon ku lidernan di e industria krusero na nivel internashonal, i tambe pa eksplorá oportunidatnan nobo òf delibera kaminda por ku sigui desaroya i sigui pone Kòrsou riba mapa komo un di e destinashon nan importante e den Karibe.

Nos partisipashon na FCCA ta demostrá e kompromiso ku Kòrsou tin pa kresementu sostenibel den e sektor maritimo i turístiko i pa sigui atraé mas liña di krusero, mehorá e eksperensia di bishita, i krea benefisio duradero pa nos pueblo.

Loke ta importante ta pa semper kana un stap dilanti, i CPA a bin ta hasi un hopi bon trabou ku esaki ya pa años kaminda nos haf i nos mega pier ta prepará pa barku nan kursero nobo i aun mas grandi manera Icon of the Seas di Royal Caribbean.

Huntu ku CPA nos ta kontentu pa sigui traha pa e desaroyo kontinuo di e industria di krusero di Kòrsou, basá riba kolaborashon, inovashon i partnernan fuerte.

Tambe nos lo tene diferente runion ku lider nan den e industria pa di e forma aki deliberá riba diferente punto.