ULTIMO SIMAN PA INSKRIBI PA ELEKSHONAN DI KARNAVAL 2026

Team IBFF & Aubrey America organisador ofisial di e elekshonan di Karnaval pa 2026 ya ta bai drenta den siman kaminda mester yega na klousura di e inkrsipshonan di e diferente elekshonan pa nos Karnaval 2026.

Manera e organisashon a bin ta promove ku tin un team super entusiasma para kla pa kuminsa ku e programa mirando ku temporada di Karnaval 2026 ta bastante korto.

E anja aki Organisashon Mayor Beehives ta trahando riba premionan super atraktivo pa asina kumpli kabalmente ku nos ganadorna, nos sa ku esei ta importante pa keda stimula nos hobenan pa keda partisipa.

Den kuadro di e esaki e siman aki lo manda mail pa tur esnan ku a inskribi ku fecha I ora di e reunion informative kaminda tur Trainer I Partisipante por akudi huntu ku nan mayornan pa hanja tur detayes di e tremendo elekshonan ku ta na kaminda.

Manera nos a promove e anja aki e temanan di e elekshonan lo ta: Eelekshon Tiener: tema “HUNTU”, Elekshon Prins ku Pancho & Reina Grandi: tema: “NOS RAIS” I Elekshon Prins ku Pancho Hubenil: tema: Stitch bishitando nos Karnaval Hubenil”

Komo organisashon organisatorio IBFF & Aubrey America ta kere den presenta un produkto kaminda tur partisipatenan, patrosinadornan & Pueblo di Korsou por keda enkanta ku un manera profeshonal kaminda kompetensia ta keda central pa nos mira nos partisipantenan kompeti I na final huradonan por saka ken ta nos embahadornan. E anja aki ta bin bek ku un tradishon super bunita ku ta Reina Brindo pero den un bachi nobo I sin perde e esensia kanravalesko.

Ku e informashonan aki nos ke invita abo hoben of mayor ku ta lesando esaki pa tene na kuenta ku esaki lo bira e ultimo siman pa inskribi pa asina nos programa kuminsa inmediatamente

For di awor aki nos IBFF I Aubrey America ke gradisi na prome luga Beehives BV pe konfiansa di kere den nos organisashonan I Puebo di Korsou pa e sosten ku nos ta risibiendo tur dia di nobo.

Si ahinda bo no a inskribi pe diferente elekshonan subi www.aubreyamerica.com I hasi esaki I gustosamente nos lo responde bo I mand abo e informashonan nesesario of por yama Aubrey America na 523-8711.