Konseho di Minister a risibí bishita di e Komishon Independiente di Evaluashon / Raad van Ministers krijgt bezoek van de Onafhankelijke Evaluatiecommissie

Willemstad – Djárason 29 di òktober 2025, Konseho di Minister a risibí bishitá di e Komishon Independiente di Evaluashon pa Aruba, Kòrsou, Sint Maarten. For di aña 2021, a base di e  Areglo Mutuo pa Koperashon riba Reformanan, Aruba, Kòrsou i Sint Maarten ta implementá reformanan den sektor públiko ku sosten di Hulanda.

E reformanan ta ser ehekutá pa medio di un pakete di pais pa kada un di e paisnan Aruba, Kòrsou i Sint Maarten. E paketenan di pais aki ta kategorisá e reformanan den vários tema, entre nan maneho finansiero i impuesto, organisashon di gobièrnu, desaroyo ekonómiko, seguridat sosial, salubridat, edukashon i hustisia. Pa pais Kòrsou, Promé Minister di Kòrsou i alabes Minister di Asuntunan General, sr. Gilmar Pisas, ta kordiná e ehekushon di e reformanan dor di e ministernan i nan departamentonan. Promé Minister ta keda asistí den esaki dor di e Komishon Nashonal di Reforma (NHC) di Gobièrnu di Kòrsou, presidí pa sr. Caryl Monte.

Konforme e Areglo Mutuo dia 1 di sèptèmber último un Komishon Independiente di Evaluashon a keda instituí dor di e Ministernan di Asuntunan General di Aruba, Kòrsou i Sint Maarten i e Minister di Asuntunan Interior i Relashonnan den Reino (BZK). Tarea di e Komishon aki ta pa traha un rapòrt di evaluashon riba ehekushon di e Areglo Mutuo na Aruba, Kòrsou i Sint Maarten, teniendo kuenta ku práktikanan lokal den kada pais.E Komishon ta konsistí di sra. Maria van der Sluijs-Plantz (presidente), sr. Angel Bermudez (representante di Aruba), sr. Francis de Lanoy (representante di Kòrsou), sr. Cees Slager (representante di Hulanda), i sr. Franklyn Richards (representante di Sint Maarten).

Riba djárason, 29 di òktober, e Komishon Independiente a bishitá NHC i Konseho di Minister di Kòrsou. Durante e bishita a trata e mishon di e Komishon i e proseso di evaluashon. E rapòrt di e evaluashon lo keda entrega na e Promé Ministernan di Aruba, Kòrsou i Sint Maarten i na Minister di BZK promé ku 1 di mart 2026. E konklushonnan di e evaluashon lo forma un base importante pa tomo di desishon dor di e gobièrnunan di e paisnan pa loke ta trata un posibel kontinuashon, kambio òf terminashon di e Areglo Mutuo, i tambe pa e kontenido i diseño di e koperashon entre e paisnan den futuro.

Willemstad – Op woensdag 29 oktober 2025, heeft den Raad van Ministers bezoek gehad van de Onafhankelijke Evaluatiecommissie van Aruba, Curaçao en Sint Maarten. Sinds 2021 is er een Onderlinge Regeling Samenwerking bij Hervormingen op basis waarvan Aruba, Curaçao en Sint Maarten hervormingen doorvoeren in de publieke sector met ondersteuning van Nederland.

De hervormingen vinden plaats middels een zogenoemd landspakket voor elk van de landen Aruba, Curaçao en Sint Maarten. In de landspakketten zijn de hervormingen gecategoriseerd in een aantal thema’s, waaronder financieel beheer en belastingen, de organisatie van de overheid, economische ontwikkeling, sociale zekerheid, gezondheidszorg, onderwijs en justitie. De Minister-president, tevens Minister van Algemene Zaken van Curaçao, de heer Gilmar Pisas, coördineert voor het Land Curaçao de uitvoering van de hervormingen door de ministers en hun departementen. De Minister-president wordt daarbij bijgestaan door de Nationale Hervormingscommissie (NHC) van de regering van Curaçao, met als voorzitter de heer Caryl Monte.

Op grond van de Onderlinge Regeling Samenwerking bij Hervormingen is op 1 september 2025 een onafhankelijke Evaluatiecommissie ingesteld door de ministers van Algemene Zaken van Aruba, Curaçao en Sint Maarten en de Minister van Binnenlandse Zaken en Koninkrijksrelaties van Nederland. De taak van de Commissie is het opstellen van een evaluatieverslag over de uitvoering van de Onderlinge Regeling in Aruba, Curaçao en Sint Maarten, rekening houdend met de lokale praktijk. De Commissie bestaat uit mevrouw Maria van der Sluijs-Plantz (voorzitter) en de heren Angel Bermudez (namens Aruba), Francis de Lanoy (namens Curaçao), Cees Slager (namens Nederland) en Franklyn Richards (namens Sint Maarten).

De Commissie heeft op woensdag 29 oktober een bezoek afgelegd aan de NHC en de Raad van Ministers van Curaçao. Tijdens het bezoek werd stilgestaan bij de taakstelling van de Commissie en het evaluatietraject. Het evaluatieverslag van de Commissie zal vóór 1 maart 2026 worden aangeboden aan de ministers-president van Aruba, Curaçao en Sint Maarten en aan de Minister van Binnenlandse Zaken en Koninkrijksrelaties van Nederland. De uitkomsten van de evaluatie vormen een belangrijke basis voor de besluitvorming door de regeringen van Aruba, Curaçao, Nederland en Sint Maarten over een eventuele voortzetting, aanpassing of beëindiging van de Onderlinge Regeling en voor de inhoud en vormgeving van de toekomstige samenwerking tussen de landen.