KRIOYO FILM FESTIVAL TA RÈK KU UN SIMAN MAS

 

KRIOYO FILM FESTIVAL TA RÈK KU UN SIMAN MAS

WILLEMSTAD —  Organisashon di Krioyo Film Festival ta informa públiko i medio di  komunikashon ku, despues di gran interes di komunidat i e éksito kontinua di e siman ku a pasa, nos a tuma desishon pa prolongá e festival ku un siman adishonal. 

E di dos fase di festival lo tuma lugá di djaluna 3 te djadumingu 9 di novèmber 2025, tur den Caribbean Cinemas na Sambil.

E struktura di programashon di e aña aki

Siguiendo e mesun modelo ku aña pasá, e festival ta kontinuá ku un sistema di blòknan. Por tin blok ku un pelikula òf dokumental largu, asina mes ku blok ku 2, 3 òf 4 pelíkula kòrtiku. 

Di e forma aki nos ta duna espasio pa kreatividat  di nos produktornan lokal  yega na pantaya grandi.

Pa e edishon di 2025, nos a introdusí un inovashon special:
Tur blòk a haña nòmber  diferenten paranan di Kòrsou, komo un manera pa honrá nos kultura, tradishon i e nos naturalesa di nos isla ku ta konektá ku historia, bida sosial i identidat di nos pueblo.

Nos ta invitá tur hende — amantenan di sine, famia, studiante  i tur hende — pa bin disfrutá di úniko festival di sine 100% krioyo den region, dediká spesialmente na nos idioma i talento lokal.

Entrada: XCG 10 pa blòk
Lokalidat: Caribbean Cinemas, Sambil
Data: 3 – 9 novèmber 2025

Mas informashon lo por sigui nos via kanalan di komunikashon ofisial di Krioyo Film Festival.  Nos ta warda bo!

Krioyo Film Festival