Wind Creek Curaçao ta selebrá ‘Best of the Best’ pa terser kuartal di 2025

Wind Creek Curaçao ta selebrá 

‘Best of the Best’ pa terser kuartal di 2025

 

WILLEMSTAD: Tabata djamars dia 4 di Novèmber último ku ‘Best of the Best’ a keda organisá den e ballroom di Renaissance Wind Creek Curaçao Resort. Durante dje evento Wind Creek Curaçao a honra su nominado- i ganadónan di e terser kuartal. E evento tabata bon bishitá i tur nominado, nan lider- i miembronan di e tim ehekutivo tabata presente. E programa ‘Best of the Best’ ta un programa na unda tantu miembronan di tim komo lidernan ta wòrdu enkurashá pa nominá otro koleganan ku ta biba e balornan di Wind Creek Curaçao den sinku kategoria.  E programa ‘Best of the Best’ ta kreá pa honra miembronan di ekipo ku ta biba e propósito di Wind Creek Hospitality.Wind Creek Curaçao su filosofia ta sosteniendo i rekonosiendo tur miembro di ekipo bibando su baloran ta krea un kultura ku ta inspirá ekselensia.

 

Wind Creek Curaçao ta kere den e poder di rekonosementu, esaki ta pa duna bida n’e propósito ku ta inkluí un sentido di pertenensia i importansia entre miembro nan di tim. ‘Chief of Excitement’ Damaris Maduro-Bautisma a hasi apertura dje evento siguí pa direktor di Rekurso Humano, Angelo Martes ku a presentá e nominado- i e ganadónan despues ku e tòp 3 di kada kategoria tabata riba esenario.

 

E ganadónan p’e terser kuartal den kada kategoria ta:

‘Guest Focus’: Melisa de Freitas – Guest Experience; ‘Do it Right, Be the Best, Have Fun’: Letesia Mitchell -Player Services Casino; ‘Inspired and Empowered Team Members’: Riangelo Jansen – Guest Experience; ‘Enthusiastic Commitment to the Purpose’: Tamara Kleinmoedig – Executive Department i finalmente den kategoria ‘Leadership’: Junaiska Wanga – Starbucks. Tur ganadó a sobresalí den nan kategoria, i tabata un kompetensia fuerte manera kustumber. Un pabien na tur nominado i tur e ganadónan! Bo kompromiso i dedikashon balioso ta un berdadero inspirashon, hasiendo Wind Creek Curaçao un organisashon kaminda ekselensia ta prosperá. Angelo Martes, direktor di Rekurso Humano a indiká di ta orguyoso di tin un tim asina motivá i ku tur dia ta komprometé ku e propósito di e kompania i ku un enfoke kontinuo riba eskelensia pa tur huéspet ku ta bishita e kompanianan di Wind Creek Curaçao.