ADIDAS KU VOETBALSHOP.NL TA PARTNER DI ‘TEAMWEAR’ PA EKIPO DI KÒRSOU PA E PARTIDONAN DI KUALIFIKASHON DI MUNDIAL!
ADIDAS KU VOETBALSHOP.NL TA PARTNER DI ‘TEAMWEAR’ PA EKIPO DI KÒRSOU PA E PARTIDONAN DI KUALIFIKASHON DI MUNDIAL!
Gilbert Martina Presidente di Federashon di Futbòl Kòrsou: “Nos ta mashá orguyoso pa anunsiá ku for di awor, den kolaborashon ku Voetbalshop.nl, nos lo tin Adidas komo ‘teamwear’ pa e próksimo partidonan di kualifikashon pa Mundial. Tim di Kòrsou, bou di liderasgo di Dick Advocaat, ta pasando den un tremendo momentu ku posibilidat pa partisipá den Mundial di 2026. Huntu ku Concacaf i FIFA, nos ta traha riba e desaroyo di futbòl na Kòrsou riba plaso medio i largu.”
Roland Heerkens, fundadó i sòsio di e Badge Group (fundá na 1977), doño di Voetbalshop.nl i Voetbalshop.be, ta ekspresá su orguyo pa proveé Adidas komo ‘teamwear’ di e selekshon nashonal di Kòrsou pa e próksimo partidonan di kualifikashon pa Mundial.
“Komo ‘teamwear’ partner ofisial di KNVB i Voetbal Vlaanderen, 11 organisashon di futbòl profeshonal i partner di ‘teamwear’ i ‘retail’ pa mas ku 450 klup di futbòl amateur den Benelux, nos ta mira ku e desaroyo i profeshonalisashon di e organisashon FFK ta kuadra perfektamente ku nos bista riba plaso medio i largu.”
Voetbalshop.nl ta presentá ku orguyo e kolekshon nobo Adidas pa Kòrsou via: https://www.voetbalshop.nl/fanshop/curacao.html
10 novèmber 2025