KUERPO POLISIAL KÒRSOU 

KOMUNIKADO DI PRENSA

456/2025

29 novèmber 2025 

Dos detenshon pa ladronisia di skuter 

Relashoná ku un kaso di ladronsia di skuter ku e tim enkargá ku ladronisia di vehíkulo ta  investigando, polisnan di warda di polis di Punda a detené dos sospechoso. 

Dia 21 di novèmber 2025 e hòmbernan B.D.F. di 18 aña di edat i K.C.M. di 17 aña di edat,  ambos nase na Korsou, a keda detené. 

A presentá e sospechosonan dilanti di un fiskal ouksiliar ku a ordená nan enkarselamentu  pendiente di mas investigashon.