KUERPO POLISIAL KÒRSOU  

KOMUNIKADO DI PRENSA

455/2025 29 novèmber 2025 

Detenshon pa ladronisia di skuter 

Relashoná ku un investigashon ku ta tumando lugá tokante di hòrtamentu di skuter AKT riba  e fechanan 10 di novèmber 2025 na e lugá di stashoná outo na Mambo Beach i na un lugá di  stashoná outo na un supermerkado riba Cas Coraweg i entre 18 pa 20 di novèmber último na  

un lugá di stashoná outo di un hotèl na Otrobanda, polis a hasi un detenshon. Den oranan di mainta di djabièrnè 28 di novèmber 2025 e tim ku ta enkargá ku ladronisia di  vehíkulo a tene entrada hudisial na un kas riba Kaminda Venancio F. Isenia, pero no a  enkontrá ku e sospechoso. 

Despues ku e mes a tuma kontakto ku e tim ku ta investigá ladronisia di vehíkulo, e hòmber  sospechoso G.C.J.W. nase na Kòrsou a keda detené mas lat den mainta na altura di un vèlt di  bala na Tera Cora. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.