KOMUNIKADO DI PRENSA 224/2023.
15 mei 2023.

Detenshon relashoná ku menasa.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingo 14 mei 2023 alrededor di 23.16’or, Sentral di Polis a dirigí un unidat polisial na
un kompleho di apartamento den área di Weto, pa un kaso di menasa.
Na yegada di e unidat el a bin topa ku un dama ku a deklará ku un ratu promé e tabatin
diskushon ku un bisiña i esaki su famia.
E último aki lo a menasá e dama ku morto.
Na e sitio a detené e hòmber sospechoso aki S.P., di 25 aña di edat nasé na Sürnam,
relashoná ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.