KUERPO POLISIAL KÒRSOU 

KOMUNIKADO DI PRENSA

458/2025

29 novèmber 2025 

Lo konfiská vehíkulonan ku ta pone ‘fever’ 

Kuerpo Polisial ta konstatando últimamente ku tin diferente bròmernan tantu lokal pero ku  tambe ta prosedente di otro islanan, ta poniendo ‘fever’ riba nos kareteranan. Un bia mas polis ta atvertí ku no ta permití pa pone ‘fever’ riba kaminda públiko ni hasi kenshi  ku vehíkulo. 

Segun lei, polis por i lo konfiská tur vehíkulo ku di un òf otro forma ta sea pone tráfiko den  peliger i/o ta opstakulisá esaki. 

Alabes nos ke rekordá tur siudadano ku personanan ku ta forma parti di públiko ku ta para  wak ‘fever’ tambe ta kastigabel pa lei i por keda sanshoná. 

Den kuadro di e akshon ‘Fin di aña sin zanzaña, vehíkulonan ku keda konfiská den kuadro di  violashon di lei di tráfiko, lo no wòrdu entregá bèk te na momentu ku e vehíkulo i/o shofùr  kumpli ku tur loke ku lei ta eksigí. 

Tur usuario di tráfiko ku ta manehá un vehíkulo di motor, mester ta den poseshon di un  reibeweis bálido i tur dokumentu di vehíkulo manera e.o. karchi di kùr, seguro i komprobante  di impuesto mester ta na òrdu.