KUERPO POLISIAL KÒRSOU 

KOMUNIKADO DI PRENSA

467/2025 3 desèmber 2025 

Detenshon relashoná ku maltrato 

Kontinuando ku investigashon den un kaso di maltrato di un hobensita ku a  tuma lugá dia 12 di septèmber 2025 na un kas den Bronsweg, polis a hasi un detenshon. 

Djárason 3 di desèmber 2025, riba òrdu di fiskal di Ministerio Públiko, polis a  detené e hòmber C.R.W. di 54 aña di edat nasé na Suráfrika, pa e kaso  maltrato ariba menshoná. 

Detenshon di e hòmber aki a tuma lugá na warda di reshèrshi. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.