Detenshon pa menasa i violashon di lei di arma di kandela 

 

 

KUERPO POLISIAL KÒRSOU 

KOMUNIKADO DI PRENSA

466/2025 3 desèmber 2025 

Detenshon pa menasa i violashon di lei di arma di kandela 

Djárason 3 di desèmber 2025 alrededor di 11.49’or, Sentral di Polis a dirigí un  unidat di polis na un establesimentu na Schottegatweg Noord pa un kaso di  menasa. 

Na yegada di e unidat, a sali na kla ku un ratu promé tabatin un problema  familiar ku a terminá den un menasa ku un arma di kandela. 

Na e sitio polis a haña i konfiská un arma di kandela. 

Mesora a detené e hòmber J.J.D.S.D.G di 59 aña di edat nasé na Kòrsou, pa  menasa i violashon di lei di arma di kandela. 

A presentá e sospechoso dilanti di un fiskal ouksiliar, ku a ordená su  enkarselamentu pendiente di mas investigashon.