KUERPO POLISIAL KÒRSOU 

KOMUNIKADO DI PRENSA

186/2026

19 yüni 2026 

Kaso di hinkamentu 

Djabièrnè 19 di yüni 2026 alrededor di 10.43’or, Sentral di Polis a dirigí un unidat pa Plasa  Jojo Correa pa un kaso di hinkamentu. 

Na yegada di e unidat el a bin topa un hòmber ku un hinká na altura di su garganta i brasa. For di investigashon a sali na kla ku durante di un diskushon entre dos hòmber, un di nan lo  a propiná e otro un hinká ku un kuchú. 

Despues di su akto e sospechoso a bandoná e sitio. 

Ambulans a transportá e viktima pa Sala di Emergensia di C.M.C. pa tratamentu médiko. Despues di un búskeda den e área a lokalisá e hòmber sospechoso. 

Mesora un unidat di Politur ku tabata den serkania a detené e hòmber I.N.B. di 65 aña di  edat nasé na Kòrsou, relashoná ku e kaso di hinkamentu ariba menshoná. 

I tambe a haña i konfiská e kuchú pa mas investigashon. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.