OrangetheWorld

E kampaña Orange the World 2025, ta un kampaña global kontra violensia kontra hende muhé i tambe mucha muhé. E koló oraño ta simbolisá speransa: speransa pa un futuro kaminda tur hende, spesialmente nos muhé i mucha muhé, por biba den dignidat, rèspèt i seguridat.

Na Kòrsou, nos Ministerio di Hustisia tambe a sostené e kampaña ku un vishon i mishon kla: fortalesé protekshon pa víktimanan, reforsá lei i traha huntu ku institutonan pa prevení violensia den tur forma. Violensia kontra muhé no ta un asuntu priva; esaki ta un krímen ku ta afektá famia, komunidat pero tambe sin nos para ketu, hinter un generashon.

Vários okashon den nos komunidat, nos ta keda di shòk pa kasonan unda agreshon ta keda komete kontra e sekso femenino. Lamentablemente hasta kasonan unda tin konsekuensia fatal. Hopi bes, pa miedu òf pa inseguridat, e hende muhé no ta dal e stap pa hasi denunsia. E kampaña Orange the World ta netamente duna e empuhe na tur ser femenino, pa hasi esaki i no aseptá abusu for di man di e agresor.

Ayera nochi komo klousura di nos kampaña di konsientisashon kontra violensia di hende muhé, nos a iluminá nos edifisio ku e kolo oraño, pa manda un mensahe kla i raspa na mundu: Kòrsou tambe ta lucha kontra tur agresor ku ke hasi hende muhé un víktima. Huntu nos por kambia mentalidat i krea un isla kaminda ningun muhé no tin ku teme pa su seguridat.