Skucha pa bo mes “We almost had a mid-air collision up here” Avion di Jet Blue a hera di dal den un avion militar di Merka den pleno vuelo

Dia 12 di desèmber ultimo Kòntròl di Trafiko Aéreo di Kòrsou a risibí notifikashon di pilot di JetBlue indikando ku nan a kasi haña nan envolví den un choke aereo. JetBlue a sali Kòrsou rumbo pa aeropuerto JFK. Den menos ku mei ora despues ku JetBlue a lanta buelo, un Refueler di US Air Force a krusa su dilanti sin señal sendé, riba e mes un altitut, rumbo pa Venezuela. Na su turno Kòntròl di Trafiko Aereo di Kòrsou a kontestá ku e  no ta mira nada riba su “scope”.

Manera ta konosí pa algun siman kaba, nos ta konfrontá ku “non-identified aircrafts” ta bula den espasio Aéreo entre Kòrsou i Venezuela. E echo ku no ta posibel señalá nan, por forma peliger pa pilotnan di otro aéreoliñanan.