TIARAH SU VIDIOKLEP DI PAPA PASKU TA ONLINE!

 

TIARAH SU VIDIOKLEP DI PAPA PASKU TA ONLINE!

 

WILLEMSTAD – E vidioklep di e kansion Papa Pasku ku Tiarah a estrená resientemente ta kla. Tiarah, konosí tambe komo Tiarah Martina Giterson, a kaba di estrená su vidioklep di su presioso kansion di Pasku ku ta hiba e título “Papa Pasku”. Tiarah ta un talento nobo ku ta destakando den diferente género manera tumba, seú balada i son montuno

Tiarah, ya no ta un deskonosí mas den e ámbito musikal. El a partisipá na Tumba Hubenil, Bos di Kunuku i a saka piesa e aña akí, huntu ku su tata, dediká na mama i na tata.

Papa Pasku ta un piesa emoshonante i poko melankóliko pero ku alabes ta pa inspirá un i tur ku por ta pasando den kualke kontratempu òf kualke doló. Den e vidioklep Tiarah ta ilustrá kon por dil ku emoshonnan fuerte i doloroso durante un temporada asina importante manera Pasku i Fin di Aña. É komo un mucha di 14 aña ta konsehá i yuda su mes pa tòg purba na pasa un dushi Pasku durante e temporada spiritual i festivo akí. E kansion i e vidioklep ta pa duna un i tur ku tin mester di dje un tiki speransa pa pasa tòg un fin di aña dushi ku e pensamentu ku kos lo drecha e aña ku ta bini.

Tur bon radioemisora ya tin e piesa kaba, i pa por mira e tremendo vidioklep di “Papa Pasku” subi riba Tiarah su propio kanal di Youtube ku el a kaba di estrená, titulá: Tiarah (Voice of Emotion), @Tiarahmelody. E link di Papa Pasku ta: https://youtu.be/NsG3Ot2Ouys.

Por fabor ban sostené e hóben yen di talento akí dor di suskribí na su kanal i di LIKE i SHARE, tur loke Tiarah ta publiká.

Pa mas informashon relashoná ku e kansion Papa Pasku òf e vidioklep por manda un app na 59996688078 òf manda un mail na tiarahmelody11@gmail.com.