Den kuadro di prevenshon i konsientisashon eliminashon foko di sangura den i rondó di kas, alumnonan di MTS a traha dos makèt kopia di e “kasita” di CARPHA kual ta visualisá obhetonan ku por fangu awa.

Den kuadro di prevenshon i konsientisashon eliminashon foko di sangura den i rondó di kas, alumnonan di MTS a traha dos makèt kopia di e “kasita” di CARPHA kual ta visualisá obhetonan ku por fangu awa. Importante ta pa nos prevení pa e sangura haña awa pa e por brui.

Di 1 pa 8 di novèmber último e makèt a keda ekhibí na diferente establesimentu entre kual Esperamos – JND, Goisco – Schottegatweg, Kooyman- Zeelandia, Van de Tweel – Zeelandia, Sambil, Mangusa Hypermarket i Building Depot.

Bishitantenan por a haña informashon serka ekspertonan di Ministerio di GMN i por bisa ku e kampaña sigur tabata un éksito grandi. E kampaña ta kontinua den luna di yanüari i febrüari 2026.

Ministerio di GMN ta yama un danki na e dosente sra. Xiomahara Brigita kua guia e proyekto i e alumnonan Tracy Zegwaart, Imaisha Henriette, Christopher Christiaan, Trevor Alberto, Tyrosheandra Martha, Myanchellisse Lopez, Ashley Barrette, Eric Isidora i Derby Pericles. E alumnonan a risibí un muestra di apresio di MGMN pa e tremendo trabou.