KUERPO POLISIAL KORSOU

KOMUNIKADO DI PRENSA                                      

496/2025

21 desember 2025

Turista ta bira malu den awa i fayese

Djadumingu 21di desember 2025 alrededor di 12.00’or, Sentral di Polis a dirigi unidatnan di Polis i di Politur pa Pier na Marie Pampoen, pa un homber ku tabatin problema den awa.

Na yegada di e unidatnan, ya kaba personal di ambulans tabata tratando na reanima e homber turista aki di nashonalidat Aleman, pero sin e resultado desea.

For di prome investigashon a sali na kla ku probablemente e viktima aki di edat avansa ku tabata huntu ku mas persona, a bira malu den awa i despues a fayese.

Dokter di polis ku a presenta na e sitio a konstata morto di e homber turista. Personal di Politur a keda enkarga ku e sobra tramitenan.