Ladronisia di vurwerk

KUERPO POLISIAL KORSOU
KOMUNIKADO DI PRENSA
506/2025
28 desember 2025
Ladronisia di vurwerk
Djadumingu 28 di desember 2025 alrededor di 03.21’or, Sentral di Polis a risibi notifikashon ku na un punto di benta di vurwerk na Sta. Rosa, ladronnan tabata tratando na horta vurwerk .
Mesora varios unidat polisial a mobilisa ia dirigi nan mes pa e lokalidat.
Na nan yegada, nan a kompronde ku malechornan a horta kahanan di vurwerk ku tabata tin den un konteiner na e establesimentu.
Pa logra hana akseso na e merkansia sin ku nan ta wordu stroba, e sospechosonan a mara un personal di seguridat ku tabata na e sitio i lag’e benta abou na suela.
Personal di reshershi a keda dirigi na e sitio, pa kuminsa ku e investigashon pa mas pronto posibel pone man riba e esnan kulpabel pa e ladronisia ku violensia aki.
Kuerpo Polisial ta hasi un yamada na tur persona ku tin informashon di benta ilegal di vurwerk, pa tuma kontakto ku polis mesora na 917 of e number anonimo 108.
Alabes nos ke rekorda un i tur ku kumpramentu di vurwerk tambe ku ta prosedente di ladronisia, ta kastigabel pa lei.
Laga nos ban huntu denunsia komportashonnan robes i kopera ku hustisia pa garantisa ordu i desensia den nos pais
