Detenshon relashoná ku kaso di tiramentu 

KUERPO POLISIAL KÒRSOU 

 

KOMUNIKADO DI PRENSA

013/2026

13 yanüari 2026 

Detenshon relashoná ku kaso di tiramentu 

Kontinuando ku investigashon den e kaso di tiramentu ku a tuma lugá dia 8 di yanüari 2026 na un skòl riba Gouverneur van Landsbergweg, polis a hasi un detenshon mas. 

Djamars 13 di yanüari 2026, alrededor di 17.00’or, a detené e hóben L.O.T.M.C. di 16 aña di edat nasé na Kòrsou, relashoná ku e kaso ariba menshoná. 

E hóben aki a presentá na warda di reshèrshi den presensia di su mayornan pa  entrega su mes. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.