Entrada hudisial ku detenshon relashoná ku kaso di tiramentu 

KUERPO POLISIAL KÒRSOU 

 

KOMUNIKADO DI PRENSA

012/2026

13 yanüari 2026 

Entrada hudisial ku detenshon relashoná ku kaso di tiramentu 

Kontinuando ku investigashon den e kaso di tiramentu ku a tuma lugá dia 8 di yanüari 2026 na un skòl riba Gouverneur van Landsbergweg, polis a hasi un detenshon. 

Djaluna 12 di yanüari 2026, alrededor di 20.50’or, polis a detené e hòmber P.J.R di  19 aña di edat nasé na Kòrsou, relashoná ku e kaso ariba menshoná. 

Su detenshon a tuma lugá na un kas den Avesweg. 

Despues e tim ku ta investigá e kaso aki a tene un entrada hudisial na un kas den Kas  Chikí. 

Durante di e entrada hudisial a haña i konfiská un arma di airu. 

No ta ekskluí ku lo bai tin mas detenshon den e kaso aki. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.