Reunion produktivo tokante kolaborashon hudisial den Reino – Productief overleg over justitiële samenwerking binnen het Koninkrijk
Reunion produktivo tokante kolaborashon hudisial den Reino
Partisipashon aktivo di delegashon di Kòrsou enkabesá pa Minister Charles Cooper
PHILIPSBURG, 16 di yanüari 2026 – Riba 16 di yanüari 2026 a tuma lugá na Sint Maarten e reunion entre Ministernan di Hustisia den Reino yamá Justitieel Vierpartijenoverleg (JVO). E reunion aki ta sentral den kuadro di kolaborashon hudisial den Reino i ta tuma lugá 2 biaha pa aña. Na e okashon aki Minister di Hustisia, sr. Shalten Hato a keda representá pa Minister sr. Charles Cooper. E Ministernan di Hustisia presente tabata sr. Nathalie Tackling (Sint Maarten), sr. Arthur Dowers (Aruba) i sr. Foort van Oosten (Hulanda). Durante di JVO e Ministernan menshoná a enfatisá e importansia di kolaborashon fuerte i konfiabel den Reino. Diferente temanan hudisial fundamental a keda tratá ku meta pa fortalesé seguridat i hustisia.
Na nòmber di Kòrsou, Minister suplente di Hustisia, sr. Charles Cooper, a pone atenshon riba e balor di un sistema legal ku ta funshoná bon komo e indikadó esensial pa midi konfiansa den Reino. Tambe pa fortalesé i hasi e kolaborashon hudisial den Reino duradero. JVO ta un plataforma struktural pa huntu deliberá riba temanan hudisial ku ta krusa frontera. Kriminalidat, problemátika di hóben, detenshon i falta di personal no ta tene kuenta ku frontera di pais. Pa medio di traha huntu, kompartí konosementu i yega na palabrashonnan konhunto, e paisnan ta pèrkurá pa e sistema hudisial den Reino keda konfiabel, digno i efektivo.
Prevenshon di kriminalidat bou di hóbennan
Kòrsou a asumí e presidensia di e grupo di trabou pa prevenshon di kriminalidat bou di hóbennan. E grupo di trabou a presentá un diseño òf un posibel bista di futuro (‘contourenschets’) pa e plan di aserkamentu ku e grupo ta bai traha pa prevenshon di kriminalidat bou di hóbennan. E plan di aserkamentu aki ta kuadra ku e konteksto lokal i ta pone enfasis riba e guia trempan dirigí na hóbennan. Pa e siguiente JVO, ta sigui elaborá e plan di aserkamentu.
Detenshon digno
E grupo di trabou ta bai reuní strukturalmente di forma digital pa atendé temanan ku tin prioridat: estudio/formashon, profeshonalisashon, IT, registrashon, re-integrashon, ‘best practices’, sosten mutuo durante krísis, kalidat i derechinan humano establesé. E punto sentral ta pa fasilitá kolaborashon práktiko entre sentronan di deteshon pa atendé ku retonan komun alabes mantené responsabilidat propio.
Miembro Tribunal Supremo Kòrsou èks artíkulo 23 insiso 2 Statüt
Kòrsou a tuma tantu e presidensia komo e sekretariado riba su nòmber pa e grupo di trabou ku a keda instituí a base di apelashon di Kòrsou riba artíkulo 23 insiso 2 Statüt pa nombramentu di un miembro na nòmber di Kòrsou den Tribunal Supremo. E grupo di trabou ta bai prepará un konseho pa presentá esaki den e siguiente JVO tokante e puntonan ku a bini dilanti den e diseño i e plan di akshon.
Importansia di kordinashon i kolaborashon riba temanan hudisial den Reino
Kòrsou a suprayá e importansia pa kordiná i kolaborá riba temanan hudisial den Reino. Pa konkretisá esaki, Kòrsou a proponé un obligashon formal di konsulta, puntonan di kontakto fiho, kanalnan di komunikashon struktural i patrisipashon di e paisnan outónomo na foronan hudisial relevante. JVO a rekonosé e importansia di kordinashon i kolaborashon pues ta bai traha pa yega na palabrashonnan tokante kon Reino lo tuma posishon huntu riba temanan hudisial den gremio internashonal.
Tabata un JVO eksitoso den kua e paisnan a drenta un diálogo stratégiko enkuanto servisionan hudisial komun, Korte Komun di Hustisia, Warda Kosta, Ministerio Públiko, kolaborashon di Rishèrshi, Konseho di Mantenshon di Lei, Kuerpo Polisial, Brantwer i krímen ku ta debilitá komunidat (‘ondermijning’). A enfatisá e importansia pa yega na palabrashonnan kla, konfiansa mutuo i responsabilidat kompartí den Reino.
Tambe durante JVO a dediká atenshon na vários protokòl ku mester a keda renobá i/òf adaptá. A suprayá ku e protokòlnan mester aliniá mihó den kuadro di tema i nesesidatnan lokal. E siguiente JVO ta bai tuma lugá den sèptèmber 2026 na Kòrsou.
Productief overleg over justitiële samenwerking binnen het Koninkrijk
Actieve deelname van de Curaçaose delegatie onder leiding van Minister Charles Cooper
PHILIPSBURG, 16 januari 2026 – Op 16 januari 2026 vond in Sint Maarten het halfjaarlijks Justitieel Vierpartijenoverleg (JVO) plaats tussen de ministers van Justitie, dhr. Charles Cooper (plaatsvervangend minister van Justitie Curaçao), mw. Nathalie Tackling (Sint Maarten), dhr. Arthur Dowers (Aruba) en dhr. Foort van Oosten (Nederland). Tijdens het JVO hebben bovengenoemde ministers het belang van een sterke en betrouwbare justitiële samenwerking binnen het Koninkrijk benadrukt. Diverse fundamentele justitiële thema’s ter versterking van veiligheid en justitie zijn besproken.
Minister dhr. Charles Cooper nam deel aan het JVO namens de minister van Justitie van Curaçao, dhr. Shalten Hato. Namens Curaçao is de waarde van een goed functionerend rechtssysteem als essentiële pijler voor vertrouwen binnen het Koninkrijk benadrukt, alsmede het versterken en verduurzamen van de justitiële samenwerking binnen het Koninkrijk. Het JVO vormt een structureel platform voor de gezamenlijke bespreking van grensoverschrijdende justitiële vraagstukken. Criminaliteit, jeugdproblematiek, detentie en personeelskrapte houden zich niet aan landsgrenzen. Door samen te werken, kennis te delen en gezamenlijke afspraken te maken, zorgen de landen ervoor dat het justitiële systeem binnen het Koninkrijk betrouwbaar, menswaardig en effectief blijft.
Preventie jeugdcriminaliteit
Curaçao heeft het voorzitterschap van de werkgroep Preventie van jeugdcriminaliteit op zich genomen. De werkgroep heeft een contourenschets aangedragen voor een door de werkgroep te maken plan van aanpak over de preventie van jeugdcriminaliteit. Dit plan van aanpak sluit aan bij de lokale context en zet in op vroegtijdige begeleiding van jongeren. Voor het eerstvolgende JVO wordt het plan van aanpak nader uitgewerkt.
Menswaardige detentie
De werkgroep zal structureel digitaal bijeenkomen aan de hand van de prioritaire onderwerpen: opleiding, professionalisering, IT, registratie, re-integratie, ‘best practices’, onderlinge crisisondersteuning, kwaliteit en mensenrechten die zijn vastgesteld. Centraal staat het faciliteren van praktische samenwerking tussen detentiediensten om gedeelde uitdagingen samen aan te pakken met behoud van eigen verantwoordelijkheid.
Lid Hoge Raad Curaçao ex artikel 23 lid 2 Statuut
Curaçao heeft het voorzitterschap en secretariaat op zich genomen voor de werkgroep die is ingesteld ter zake van het gedane beroep van Curaçao op artikel 23 lid 2 Statuut voor de benoeming van een lid namens Curaçao bij de Hoge Raad. De werkgroep zal voor het eerstvolgende JVO een advies moeten uitbrengen over de gemelde punten genoemd in de contourenschets en het stappenplan.
Belang van afstemming en samenwerking binnen het Koninkrijk op justitiële thema’s
Curaçao heeft het belang onderschreven van afstemming en samenwerking binnen het Koninkrijk op justitiële thema’s. Ter concretisering van het voorgaande heeft Curaçao een formele consultatieplicht, vaste aanspreekpunten, structurele communicatiekanalen en deelname van de autonome landen aan relevante fora op het gebied van justitiële thema’s voorgesteld. Het JVO heeft het belang van afstemming en samenwerking erkend en zal werken naar afspraken over hoe in internationale gremia Koninkrijksstandpunten op justitiële thema’s gezamenlijk worden ingenomen.
Het was een succesvolle JVO waarin de landen strategisch met elkaar in gesprek zijn getreden over gemeenschappelijke justitiële diensten, het Gemeenschappelijk Hof van Justitie, de Kustwacht, het Openbaar Ministerie, recherchesamenwerking, de Raad voor de Rechtshandhaving, het Korps Politie, de Brandweer en ondermijning. Het belang van heldere afspraken, wederzijds vertrouwen en gedeelde verantwoordelijkheid binnen het Koninkrijk werd wederom onderstreept.
Tevens is gedurende het JVO aandacht besteed aan protocollen die hernieuwd en/of aangepast dienen te worden en onderstreept dat protocollen beter moeten aansluiten bij lokale thema’s en behoeften. Het volgende JVO zal september 2026 plaatsvinden te Curaçao.
