Detenshon relashoná ku menasa ku kuchú
KUERPO POLISIAL KÒRSOU
KOMUNIKADO DI PRENSA 021/2026
21 yanüari 2026
Detenshon relashoná ku menasa ku kuchú
Djamars 20 di yanüari 2026 alrededor di 22.50’or, Sentral di polis a dirigí un unidat polisial pa un kas riba Caracasbaaiweg pa un kaso di menasa.
For di investigashon ku polis a hasi na e sitio a sali na kla ku despues di un problema entre mama i yu, e yu hòmber aki a menasá e mama ku un kuchú.
Na e sitio polis a detené e hóben J.D.F. di 22 aña di edat nasé na Kòrsou, relashoná ku e kaso di menasa ariba menshoná.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

