Direktiva di Partido Nashonal di Pueblo a tuma nota ku riba medionan sosial ta sirkulando un ‘post’ kaminda Kas di Korte di Hustisia  a sentensiá un miembro riba su lista pa elekshon di dia 21 di mart 2025. 

Direktiva di Partido Nashonal di Pueblo a tuma nota ku riba medionan sosial ta sirkulando un ‘post’ kaminda Kas di Korte di Hustisia  a sentensiá un miembro riba su lista pa elekshon di dia 21 di mart 2025. 

Despues ku na luna di febrüari 2025, Direktiva di Partido Nashonal di Pueblo a tuma nota di e suseso kondenabel di e miembro konserní, Direktiva a saka un Komunikado di Prensa fechá 20 di febrüari 2025, kaminda enfátikamente a  deklará ku Direktiva no ta sostené ningun persona ku falta ku lei i hustisa. Tambe PNP a deklará ku lo e no interferí di ningun forma den e kaso menshoná pasobra PNP ta di opinion ku mester duna instansianan hudisial tur espasio pa atendé e kaso segun prosedura ku lei ta stipulá. 

Al final ta kada persona den nos komunidat ta keda responsbel pa su aktonan.  P.N.P. a tuma nota ku Kas di Korte di Hustisia a duna veridíkto i ta respetá esei. 

Ku ánimo Partido Nashonal di Pueblo ta sigui kumpli ku nos kompromisonan pa Pais i Pueblo di Kòrsou.  

Direktiva PNP