KUERPO POLISIAL KORSOU

KOMUNIKADO DI PRENSA

28 yanuari 2026

029/2026

 

Karnet pa outo pa marchanan di Karnaval 2026

 

Entrante inmediato te ku 2 di februari 2026, por pasa tuma karnet di outo na warda di polis na Otrobanda entre 08.00’or pa 20.00’or.

E karnet aki ta solamente pa trahadonan di kompanianan/instansianan ku ta traha riba e fecha(nan) i orario(nan) die marchanan di Karnaval, i tambe habitantenan ku ta biba den e area di e ruta di Karnaval, ku lo wordu sera pa trafiko durante die marchanan di karnaval.

E proseso pa kompania/instansia ta lo siguiente:

Un representante di e kompania/instansia ta tuma un (1) formulario na warda di polis na Otrobanda;

Eta kopia e kantidat di formulario konforme e kantidat di trahado ku ta dispone di un vehikulo i ku mester subi trabou of bandona esaki durante di e orario ku kaya lo ta sera pa motibu die marcha.

Despues ku e trahadonan yena e formulario, eta entrega esaki bek na e representante di e kompania di e kompania/instansia pa esaki pone stempel di e kompania riba e formularionan i entrega esaki bek na warda di polis na Otrobanda;

Despues di 3 dia ku a entrega e formularionan korekto i kompletu na polis, por pasa tuma e karnet firma i di stempel na warda di polis na Otrobanda.

E proseso pa habitantenan ku ta biba paden di e area ku ta wordu sera pa marchanan:

E habitante ta tuma formulario na warda di polis na Otrobanda;

Despues di yena e formulario, e habitante ta entrega esaki bek na warda di polis na Otrobanda;

Dia di entrega e formulario mester bini ku un komprobante (banko,

Aqualectra, Selikor, Flow, karchi di kur ects) pa konfirma ku e habitante ta biba na e adres ei;

Nomber i datonan riba e formulario mester kuadra ku e komprobante;

Despues di 3 dia ku a entrega e formulario korekto i kompletu na polis, por pasa tuma e karnet firma i ku stempel na warda di polis na Otrobanda.

Otro persona tambe por entrega e formulario pa su famia of konosC

basta ku e datonan ta kuadra ku e komprobante.

Kuerpo Polisial su meta ta, pa evita sirkulashon di trafiko mas tantu posibel na momentu ku kayanan wordu sera pa trafiko.

P’esei e petishon ta bai na tantu kompanianan/instansianan i habitantenan, pa

hasi e petishon pa karnet aki unikamente si e nesesidat ta eksisti

 

Algun punto di atenshon.

• No ta outomatikamente ku pa motibu ku bo ta un habitante di den e area na unda kaya ta wordu sera, bo ta bini na remarke pa un
• Establesimentunan riba e ruta di e marchanan ku tin nan propio luga di stashona vehikulo, mester yega prome ku sera kaya i por bandona esaki te na momentu ku kaya wordu habri Pa e vehikulonan aki no ta nesesario pa pidi un karnet.
• Vehikulonan di kompania ku ta wordu maneha pa diferente persona, ta haña un karnet na nomber di e kompania ku e number die vehikulo ariba. E karnet aki mester ta tur momentu den e vehikulo.
• Personanan ku tin mas ku un vehikulo personal, ta risibl karnet pa solamente un (1) vehikulo.

Nos ta konta riba e koperashon di semper di komunidat i ta spera for di

awor ku tur siudadano lo disfruta sanamente di e marchanan di Karnaval.