Konstelashon nobo di e Kolegionan di supervishon finansiero

Willemstad – Riba 30 di yanüari 2026, Konseho di Minister (di Reino) a bai di akuerdo ku e nombramentu di prof. dr. Paul Hilbers komo miembro nobo di e tres Kolegionan, riba proposishon di Hulanda. Señor Hilbers ta susesor di señor Hans Hoogervorst. Anteriormente, riba 31 di òktober 2025, Konseho di Minister (di Reino) a nombra drs. Hans Hoogervorst komo Presidente di e tres Kolegio di supervishon finansiero (Cft), komo susesor di Lidewijde Ongering, kende a okupá e funshon di Presidente pa tres aña. Tantu Paul Hilbers komo Hans Hoogervorst ta kuminsá den nan funshon nobo entrante promé di febrüari 2026. 

Despues di a studia matemátika na Rijksuniversiteit Utrecht i ekonometria i ekonomia internashonal na Vrije Universiteit Amsterdam, Paul Hilbers a desaroyá un karera den sektor finansiero. Den e periodo ei, e tabata asosiá pa hopi tempu na Nederlandsche Bank, entre otro komo Direktor di Supervishon di Polítika i Direktor di Stabilidat Finansiero. 

Banda di esaki, Hilbers a desempeñá vários funshon serka Fondo Monetario Internashonal (IMF) na Washington, mas resientemente komo miembro di e Hunta Ehekutivo, un posishon ku el a okupá te na final di 2024. E ta profesor emérito na Nyenrode Business Universiteit i e ta outor di numeroso publikashon nashonal i internashonal tokante di maneho makroekonómiko, finansa gubernamental, supervishon riba e sektor finansiero i relashonnan ekonómiko internashonal. 

Presidente saliente Lidewijde Ongering ta deseá tantu Hans Hoogervorst komo Paul Hilbers hopi éksito den nan funshon nobo.

 

 

---

 

 

Nieuwe samenstelling Colleges financieel toezicht

Willemstad – De (Rijks)ministerraad heeft op 30 januari 2026 ingestemd met de benoeming van prof. dr. Paul Hilbers als het nieuwe lid van de drie Colleges op voordracht van Nederland. De heer Hilbers volgt daarmee Hans Hoogervorst op. Eerder al, op 31 oktober 2025, heeft de (Rijks)ministerraad drs. Hans Hoogervorst benoemd tot voorzitter van de drie Colleges financieel toezicht (Cft), als opvolger van drs. Lidewijde Ongering, die gedurende drie jaar de voorzittersfunctie bekleedde. Zowel Paul Hilbers als Hans Hoogervorst starten met ingang van 1 februari 2026 in hun nieuwe functie. 

Paul Hilbers heeft na zijn opleidingen wiskunde aan de Rijksuniversiteit Utrecht en econometrie en internationale economie aan de Vrije Universiteit in Amsterdam een carrière in de financiële sector doorlopen. In die periode is hij langdurig verbonden geweest aan De Nederlandsche Bank, onder meer als Directeur Toezicht Beleid en Directeur Financiële Stabiliteit. 

Hilbers heeft daarnaast diverse functies bekleed bij het Internationale Monetaire Fonds (IMF) in Washington, laatstelijk als lid van de Executive Board, een functie die hij tot eind 2024 bekleedde. Hij is emeritus hoogleraar aan de Nyenrode Business Universiteit en heeft vele internationale en nationale publicaties op zijn naam staan over macro-economisch beleid, overheidsfinanciën, toezicht op de financiële sector en internationale economische betrekkingen. 

Vertrekkend voorzitter Lidewijde Ongering wenst zowel Hans Hoogervorst als Paul Hilbers veel succes in hun nieuwe functie.