𝐏𝐀 𝐃𝐈 𝟓 𝐢 𝐮𝐥𝐭𝐢𝐦𝐨 𝐛𝐢𝐚𝐡𝐚 𝐤𝐮 𝐤𝐚𝐬𝐨 𝐞𝐧𝐭𝐚𝐦𝐚́ 𝐝𝐨𝐨𝐫 𝐝𝐢 𝐄𝐫𝐢𝐜 𝐀𝐓𝐕 𝐤𝐨𝐧𝐭𝐫𝐚 𝐠𝐨𝐛𝐢𝐞̀𝐫𝐧𝐮 𝐢 𝐞 𝐭𝐚 𝐩𝐞̀𝐫𝐝𝐞́ 𝐫𝐢𝐛𝐚 𝐓𝐔𝐑 𝐩𝐮𝐧𝐭𝐨. 𝐕𝐕𝐑𝐏 𝐭𝐚 𝐠𝐚𝐧𝐚 𝐦𝐚𝐬 𝐤𝐚𝐬𝐨 𝐝𝐞𝐧 𝐊𝐨𝐫𝐭𝐞 𝐤𝐨𝐧𝐭𝐫𝐚 𝐀𝐓𝐕 𝐭𝐨𝐮𝐫𝐬

𝐕𝐕𝐑𝐏 𝐭𝐚 𝐠𝐚𝐧𝐚 𝐦𝐚𝐬 𝐤𝐚𝐬𝐨 𝐝𝐞𝐧 𝐊𝐨𝐫𝐭𝐞 𝐤𝐨𝐧𝐭𝐫𝐚 𝐀𝐓𝐕 𝐭𝐨𝐮𝐫𝐬

Willemstad – Ministerio di Tráfiko, Transporte i Planifikashon Urbano (VVRP) a wordu pone den su derechi atrobe den dos kaso hudisial den e siman aki.

Den e promé kaso, Korte a deklará ku e demanda di ATV tours kontra gobièrnu no ta atmisibel. E partido konserní mester paga e gastunan di proseso.

Den e di dos kaso, Korte Komun tambe a deklará e apelashon no-atmisibel. Esaki ta nifiká ku e desishonnan di e minister ta keda bálido.

Ku e dos desishonnan aki, ya ta e di sinku biaha konsekuente ku e ministerio ta gana den e proseso legal relashoná ku e tema di ATV tours. Project team Handhaving, (PTH), kual tin su mes outoridat den nos komunidat, awor por sigui ku e proseso di ontruiming di e lokalidat.

Ta di sugeri e komersiante pa purba ainda di wak si ainda e alternativa nan presentá na dje den pasado lo ta valido ainda. Esaki e mes lo tin ku tuma e inisiativa i bai wak kiko e lo por logra.

E ministerio ta satisfecho ku e resultado aki i lo sigui traha di un manera hustu, kla i segun lei, semper den interes di pone orden bèk den nos komunidat.