Un persona ku a bira malu den laman na Klein Bonaire i a bin fayesé na e sitio

Kralendjik  Bonaire, Djaweps 5 di febrüari, alrededor di 4or di atardi, ‘meldkamer’ sentral a risibí notifikashon tokante un persona ku a bira malu den laman na Klein Bonaire.

Okupantenan di un boto partikular den bisindario a saka e persona for di awa i a transport’é pa pir na ‘jachthaven’, kaminda personal di ambulans tabata prepará pa duna asistensia médiko. Na yegada a kuminsá mesora ku reanimashon. Apesar di e esfuersonan, no a logra e resultado deseá.

E víktima, un hòmber turista di inisial C.L. di 58 aña di edat a bin fayesé na e sitio.