KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Akshon pa konsientisa riba prevenshon di ladronisia di vehikulo

KUERPO POLISIAL KORSOU

KOMUNIKADO DI PRENSA                                      

041/2026

6 februari 2026

Akshon pa konsientisa riba prevenshon di ladronisia di vehikulo

 

Riba diaweps 5 di februari 2026 entre 17.00’or i 18.30’or e departamentu di ladronisia di vehikulo i polis di warda di polis Montana a tene un akshon pa konsientisa shofur i dononan di vehikulo riba prevenshon di ladronisia di vehikulo.

E akshon a tuma luga riba Kaminda Hensley Meulens na altura di Tio Daou ballpark. Un total di 54 vehikulo a wordu para pa duna informashon.

 

E personal a konstata ku mas ku 80% die vehikulonan aki tabatin un protekshon riba nan vehikulo manera e.o. alarma, lok pa stOrwil Of GPS.

Durante di e akshon a rekomenda e outomobilistanan pa sea kouteloso i proteha nan vehikulo mirando ku despues di nan kas un die invershonnan di mas importante ta nan vehikulo.

 

E akshon aki lo kontinua.

 

639114718427035"
639114718427035"