PTH ta stòp konstrukshon ilegal i konstatá marihuana
Tráfiko, Transporte i Planifikashon Urbano
PTH ta stòp konstrukshon ilegal i konstatá marihuana
Publiká riba 07 Febrüari 2026
Willemstad – Riba djasabra 7 di febrüari 2026, alrededor di 10:43am Projectteam Toezicht en Handhaving (PTH) a bai na un konstrukshon ku tabata tumando lugá patras di Kaya Paniwiri na Seru Grandi.
Na yegada di PTH, un persona a sali for di un kamber di e konstrukshon ku un maskara kontra gas na su kara. PTH a puntra e persona pa e doño di e tereno, i el a indika ku e ta bai buska e doño.
Segun ku PTH ta hasiendo investigashon, a sinti holo fuerte di marihuana, i a konstatá un palu di marihuana, i 5 persona mas ku tambe a sali for di e kamber. Na momentu ku e personanan aki a sali, e holo fuerte di marihuana tabata sali.
Mesora, PTH a pidi asistensia di Kuerpo Polisial. Na yegada di polis, polis a hasi un buskeda den e konstrukshon i a konstatá bastante marihuana.
PTH a pasa e investigashon pa polis. Polis ta sigui ku e investigashon pa loke ta trata e droganan konfiská. PTH tambe ta sigui ku su investigashon pa loke ta trata e okupashon ilegal di tereno di gobièrnu, i tiramentu ilegal di sushi riba tereno di gobièrnu.
639114718427035"
639114718427035"