Mantenshon na Kaya Akoerio ta kuminsá djamars 10 di febrüari

Willemstad – Minister Charles Cooper huntu ku Servisio pa Obra Públiko (OW) ta informá ku entrante djamars, 10 di febrüari, trabounan di pone drèmpel lo kuminsá na Kaya Akoerio. Esaki lo tin un durashon di 2 siman.

E trabou ta konsistí di drecha e kaya i pone drèmpel pa alsa seguridat di tráfiko.

Kontratista ku ta enkargá ku ehekushon ta Aliansa.

Kaya lo ta será durante ehekushon di e trabounan. Habitantenan i negoshinan ku ta keda den e área si por yega nan kas òf establesimentu normalmente. Pa otro outomobilistanan ku sa hasi uzo di e karetera, lo tin ruta alternativo ku lo wòrdu guiá pa bari oraño i bòrchinan.

Minister Charles Cooper i OW ta hasi un apelashon na tur outomobilista pa kore ku koutela.