BONAIRE: Korps Politie Caribisch Nederland – KPCN UPDATE #1: Marcha Hubenil na Playa

Kuerpo Polisial Hulanda Karibense a tene kòntròl riba vehíkulo i shofùr ku ta partisipá den e marcha hubenil na Playa, kual a start pa 3.18 or di atardi.

Durante kòntròl:

– A topa ku un shofùr ku no tabata disponé di un reibeweis bálido, pa kua e grupo mester a buska un otro shofùr.

– A topa ku un vehíkulo ku no tabatin su papel di seguro na òrdu, pa kua el a keda saká for di marcha.

– Tur shofùr a hasi un tèst di supla i a pasa esaki ku éksito.

Polis ta vigilá estriktamente riba kumplimentu di e reglanan di tráfiko pa garantisá seguridat di tur partisipante i bishitante durante e aktividatnan di Karnaval.