Minister Tyron “Ty” Boekhoudt 𝐄𝐧𝐤𝐮𝐞𝐧𝐭𝐫𝐨 𝐈𝐦𝐩𝐨𝐫𝐭𝐚𝐧𝐭𝐞 𝐓𝐨𝐤𝐚𝐧𝐭𝐞 𝐑𝐞𝐚𝐥𝐢𝐬𝐚𝐬𝐡𝐨𝐧 𝐝𝐢 𝐄𝐝𝐢𝐟𝐢𝐬𝐢𝐨 𝐝𝐢 𝐊𝐮𝐢𝐝𝐨 𝐍𝐨𝐛𝐨

Djaluna 9 di yanüari 2026, Minister Boekhoudt I Minister Gilmar Pik Pisas di Ministerio di Salubridat Públiko, Medio Ambiente i Naturalesa (GMN) huntu ku Minister Charles Cooper di Ministerio di VVRP i Finansa tabata presente durante un enkuentro importante tokante e realisashon di e edifisio di kuido na Colon pa mama i yu. E presensia di e tres ministerionan ta reflehá e karakter interministerial di e proyekto.

Den e diálogo, diferente stakeholder a bini huntu pa kompartí ideanan, prioridatnan i e siguiente stapnan den e desaroyo di e edifisio di kuido kaminda infrastruktura, salú i finansiamentu ta komplementá otro. Klaridat den mandato i koordinashon tabata esensial pa por avansá ku konfiansa.

Ku kolaborashon komo pilar, e edifisio di kuido na Colon ta representa un invershon den un sistema di kuido fuerte i sostenibel, kaminda desishonnan responsabel awe ta krea un base sólido pa bienestar i seguridat di mama i yu den futuro.