Detenshon pa ladronisia di skuter
KUERPO POLISIAL KORSOU
KOMUNIKADO DI PRENSA
048/2026
10 februari 2026
Detenshon pa ladronisia di skuter
Kontinuando ku un investigashon di un kaso di ladronisia di skuter ‘AKT’ ku a tuma luga djabierne 6 di februari 2026 den area di De Savaan, polis a hasi un detenshon.
Pa via di e sistema di ‘GPS’ polis a hana informashon ku e skuter aki ta den Kaya Kokolishi. Mesora a dirigi polis na e sitio i a topa ku un hoben sospechoso riba e skuter ku ta prosedente di e ladronisia ariba menshona.
Na e sitio a detene e hoben G.B.D.C. di 15 aña di edat nase na Korsou, pa ladronisia di skuter i a konfiska e skuter pa mas investigashon.
No ta esklui ku lo bai tin mas detenshon den e kaso aki.
A presenta e sospechoso dilanti di un fiskal ouksiliar ku a ordena su enkarselamentu pendiente di mas investigashon.

