KUERPO POLISIAL KORSOU

KOMUNIKADO DI PRENSA

047/2026

10 februari 2026

Detenshon pa ladronisia di skuter

 

Relashona ku un kaso di ladronisia di skuter ‘AKT’ ku a tuma luga dia 5 di februari 2026 den area di Punda, polis a hasi un detenshon.
Kontinuando ku e investigashon polis a hana informashon ku a senala e skuter horta pa via di ‘GPS’ den area di Granbeeuwweg.
Mesora a dirigi polis na e sitio i a topa ku un hoben sospechoso riba e skuter ku ta prosedente di e ladronisia ariba menshona.
Na e sitio a detene e hoben T.v. S. di 15 aña di edat nase na Korsou, pa ladronisia di skuter. A konfiska e skuter pa mas investigashon.

A presenta e sospechoso dilanti di un fiskal ouksiliar ku a ordena su enkarselamentu pendiente di mas investigashon.